Досега обвинети 70 луѓе за нападот на Капитол, меѓу нив и олимписки шампион во пливање
Обвинителот на Вашингтон изјави: Ова е само почеток“. ФБИ доби 100.000 парчиња од видео снимки за водење на истрагата
Една недела по нападот на Капитол од толпа приврзаниц на Трамп, над 70 лица се обвинети, стотици други се соочуваат со апсење и гонење, а ФБИ е преплавен со повеќе од 100.000 совети и видео снимки. Континуираните апсења – и ветувањето на ФБИ дека доаѓаат уште многу понатаму – дојде кога демократска конгресменка обвини некои републиканци давале „извидувачки“ обиколки во Капитол.
Меѓу обвинетите е и олимпискиот шампион во пливање Клете Келер. 38-годишникот освои два штафетни златни медали како дел од тимот на Мајкл Фелпс на Олимписките игри во 2004 и 2008 година. Обвиненијата за свесно влегување или останување во затворена зграда, неуредно однесување во зградата на Капитол и попречување на спроведувањето на законот беа поднесени против Келер во судот во Вашингтон ДЦ во средата.
Голем број на луѓе кои видоа видеа од инвазијата во Капитол го идентификуваа висок човек во јакна на олимписки тим на САД како Келер. Човекот на видеото беше дел од толпата што полицијата ја турка кон излезот од Капитол. Изгледа дека не се однесувал насилно. Келер имаше напишано неколку објави за поддршка на Трамп. Во последниве години, Келер зборуваше за неговите борби да се прилагоди по завршувањето на неговата пливачка кариера, но неодамна работеше во фирма за недвижнини. Компанијата оваа недела соопшти дека тие повеќе не го вработаат Келер.
Мики Шерил, американска конгресменка од Њу Џерси, во пренос во живо на Фејсбук рече дека видела „членови на Конгресот кои имале групи кои доаѓаат низ Капитол на 5 јануари во извидување и потоа ги видов следниот ден“. „Чекам да видам дали ќе одговараат“, рече Шерил.
Во средата наутро, еден човек кој носеше дуксер „Камп Аушвиц“ за време на немирите беше уапсен во Вирџинија, откако неговата слика беше широко распространета на социјалните мрежи. Уапсен е и еден пожарникар од Флорида, додека друг човек е уапсен во државата откако беше фотографиран како носи говорница низ Капитол. Во саботата еден човек од Џорџија, обвинет за влегување во Капитол, се самоуби откако бил ослободен.
Откако ФБИ апелираше луѓето да помогнат во идентификувањето на немирите, барем едно лице рече дека ги именувале членовите на семејството кои биле во Вашингтон. Хелена Дјук, од Масачусетс, одговори на видеото од физичката средба во ДЦ на 5 јануари, во која беше вклучена нејзината мајка, со зборовите: „Здраво мамо, сети се на времето кога ми рече дека не треба да одам на протести во БЛМ, бидејќи можат да бидат насилни…?“
Дјук продолжи да ги именува своите мајка, тетка и вујко. Не беше јасно дали тројката учествуваше во немирите. Во вторникот ФБИ соопшти дека над 70 лица биле обвинети за нападот во Капитол. Агенцијата соопшти дека отворила повеќе од 170 сслучаиучаи во врска со немирите и дека од 6 јануари добиле „повеќе од 100.000 парчиња од дигиталните медиуми“. „Овие се само почеток“, рече вршителот на должноста јавен обвинител за областа Колумбија, Мајкл Шервин, на прес-конференција во вторникот. „Ова не е крај“.
Истиот ден, Арон Мостофски, син на истакнат судија во Њујорк, беше уапсен во Бруклин. Мостофски (34) беше обвинет за кривично дело кражба на државен имот – полициски панцир вреден 1.905 американски долари и штит за немири вреден 265 американски долари – и беше ослободен со кауција од 100.000 американски долари. Мостофски се истакна за време на нападот по својата необична облека. Тој носеше костум од крзно и носеше дрвен стап, а за време на немирите беше снимен како носи црн полициски елек и држи штит. „Моето верување е дека овие избори беа украдени. Бевме измамени. Не мислам дека 75 луѓе – 75 милиони луѓе гласаа за Трамп. Мислам дека беа 85 милиони“, рече Мостофски во интервју за Си-би-ес во Капитол за време на опсадата. (Според агенциите)