Добро погледнете ги вашата уста и јазик: Два симптома укажуваат на тоа дека ви недостасува важен витамин


На нашето тело му требаат голем број витамини за да го одржи здраво, а меѓу нив е и витаминот Б12.

Витаминот Б12 е неопходен за многу телесни функции. Освен што ги одржува здрави крвта и нервните клетки на телото, помага и во спречување на анемија, поради што луѓето се чувствуваат уморни и слаби.

Вообичаени симптоми на недостаток на витамин Б12 се замор, вртоглавица и губење на тежината. Но, два знаци кои се појавуваат во вашата уста исто така може да сугерираат дека имате недостаток на овој витамин.

Болката, како и црвениот и воспален јазик, медицински наречен глоситис, може да бидат знаци на недостаток на витамин Б12. Кога некое лице има глоситис (воспаление на јазикот), јазикот ја менува бојата и обликот, што го прави болен, црвен и отечен.

Воспалението прави и јазикот да изгледа мазен, бидејќи ситните испакнатини на јазикот, кои ги содржат пупките одговорни за примање на сетилни информации за вкусот, се протегаат и исчезнуваат. Чировите на устата се исто така потенцијален симптом.

Оние кои не внесуваат доволно витамин Б12 може да развијат анемија, а дополнителен симптом е намаленото чувство за вкус.
Диетата која вклучува месо, риба и млечни производи обично обезбедува доволно витамин Б12, но луѓето кои не ја јадат редовно оваа храна може да имаат недостаток на овој витамин.

Ако се сомневате дека не добивате доволно витамин Б12, треба да го контактирате вашиот општ лекар.