ЦИК: Токаев победи на претседателските избори во Казахстан
Казахстанскиот в.д. претседател, Касим Жомарт Токаев (66) победи на предвремените претседателски избори со своени 70,76 отсто од гласовите, соопшти денеска Централната изборна комисија на Казахстан.
Тој резултат од изборите не е изненадување, бидејќи Токаев беше избран за наследник на претседателот Нурсултан Назарбаев, кој неочекувано поднесе оставка во март.
Токаев рече дека ќе продолжи со политиката на Назарбаев, како и дека ќе бара совети од него за сите клучни прашања.
Назарбаев ја предводеше земјата речиси три децении откако доби независност по распаѓањето на СССР.