Целиот свет зборува за постапките на Меланија Трамп: Ја понижи првата дама на Украина, а пред тоа, молеше за помош

Првата дама на САД, Меланија Трамп, одби формална средба со Олена Зеленска, и покрај нејзините барања.

Вниманието во Њујорк го привлече одлуката на Меланија Трамп да одбие формална средба со украинската прва дама Олена Зеленска, и покрај постојаните барања на Зеленска да разговара за киднапираните украински деца.

Првата дама на САД, Меланија Трамп, ги угости сопругите на светските лидери на прием по повод Генералното собрание на Обединетите нации во вторник, каде што ја претстави својата нова иницијатива наречена „Заедно ја инспирираме иднината“. Сепак, токму нејзината одлука да одбие формална средба со украинската прва дама Олена Зеленска, и покрај постојаните барања на Зеленска да разговара за темата за киднапираните украински деца, привлече внимание од јавноста.

Приемот се одржа во раскошна, позлатена балска сала. Во краток, четириминутен говор, Меланија ги истакна целите на нејзината иницијатива, која се фокусира на благосостојбата на децата и безбедноста на вештачката интелигенција во дигиталното доба. Таа ги покани присутните да се приклучат на нејзината коалиција и да водат слични програми во своите земји. Таа, исто така, објави дека првиот состанок на коалицијата ќе се одржи во Белата куќа во првиот квартал од 2026 година.

Додека Меланија зборуваше за заштитата на децата од штетни технологии, Олена Зеленска, сопругата на украинскиот претседател Володимир Зеленски, стоеше на чело на толпата, очајно обидувајќи се да го привлече нејзиното внимание. Зеленска постојано бараше формален состанок за да се разговара за хуманитарната криза, присилното преместување на повеќе од 20.000 украински деца во Русија за време на војната. Сепак, според висок советник на првата дама, тие барања беа одбиени.

„Нема ништо формално. Нашата прва дама ќе ја поздрави неформално денес од учтивост, но не е договорен суштински разговор“, изјави Бекман за Фокс њуз, пренесува Вечерњи лист.

Зеленска претходно во текот на денот предупреди дека со сегашното темпо, ќе бидат потребни 50 години за сите киднапирани украински деца да се вратат дома. Меланија во минатото покажа сочувство за украинската ситуација. Во август, таа му напиша писмо на рускиот претседател Владимир Путин, молејќи го да преговара за мировен договор заради „невините деца“. Писмото лично го предаде претседателот Доналд Трамп за време на самитот во Алјаска.

Неколку дена подоцна, украинскиот претседател Зеленски ѝ предаде на Меланија писмо од Олена Зеленска, во кое ѝ се заблагодарува за подигањето на свеста за проблемот со киднапираните деца. И покрај овие гестови, недостатокот на формален состанок ја разочара украинската делегација. Додека приемот продолжуваше, Зеленска беше видена како стои во близина на лифтот, чекајќи можност за разговор што никогаш не се појави, објавува „Мирор“.