Бил Гејтс стана дедо: Ќерката Џенифер роди здраво женско бебе

САД- Основачот на „Мајкрософт“, милијардерот и филантроп Бил Гејтс и  неговата екссопруга Мелинда Френч Гејтс официјално станаа баба и дедо.

Џенифер Гејтс и нејзиниот ссопруг Најел Насар го дочекаа своето прво бебе, потврди двојката во заедничката објава на Инстаграм во неделата.

„Испраќаме љубов од нашето здраво мало семејство 💓🙏🥰“, ја напишаа двојката на објавата, на која се гледа како го држат своето девојче, со фокус на нејзините мали стапала.

26-годишната Џенифер не го откри името на нејзината ќерка или други детали за раѓањето во објавата.

Џенифер се омажи за олимпискиот јавач на коњи Насар во октомври 2021 година по речиси четири години врска. Свадбата се одржа на нивната фарма во округот Вестчестер, Њујорк.

Исто така, успешна јавачка на коњ и сопственик на Евергејт шталите, Џенифер претходно изјави дека љубовта на двојката кон спортот е дел од она што ги зближило.