Австралија бележи рекорден број новоинфицирани со корона и покрај строгите мерки

„Немаме доволно вакцинирани, ќе завршиме со помлади луѓе во болница …“, вели премиерот на Викторија

Австралија во саботата потврди рекорден број на нови инфекции оваа година, а заразната делта варијанта на корона вирусот продолжува да се шири во најнаселените држави – Нов Јужен Велс, Викторија и Квинсленд.

Трите најнаселени држави во Австралија – Нов Јужен Велс, Викторија и Квинсленд – се дом на околу 15 милиони луѓе, околу 60 проценти од населението во Австралија и се во строго заклучување. Австралија, исто така, потврди пет смртни случаи поврзани со СОВИД -19.

Нов Јужен Велс потврди 319 нови локални случаи на корона вирус, најмногу од почетокот на пандемијата. Во Сиднеј и соседните регионални центри, уредбата за останување дома важи веќе шест недели.

Во Нов Јужен Велс, 345 лица беа хоспитализирани, 56 на интензивна нега и 23 на респиратор, соопштија државните власти.

Соседната држава Викторија го забележува најголемиот скок на инфекции во 2021 година со 29 нови случаи. Еднонеделно заклучување стапи на сила во Викторија на почетокот на оваа недела.

Премиерот на Викторија, Ден Ендрјус, ги повика жителите да ги почитуваат правилата и да ги напуштат своите домови само за неопходните работи, купување, вакцинација или двочасовно вежбање на отворено.

„Оваа делта варијанта се шири многу брзо“, рече Ендрјус. „Немаме доволно вакцинирани, ќе завршиме со помлади луѓе во болница, инаку фит и здрави луѓе. Нашиот систем ќе биде оптоварен ако не го ставиме ова под контрола”, додаде тој.

Во Квинсленд има 13 заразени лица, а само еден од нив не беше изолиран, што дава надеж дека осумдневното затворае во делови од земјата ќе биде укинато во недела попладне, како што беше планирано.

Со повеќе од 36.000 случаи на КОВИД-19 и 937 починати, Австралија избегна голем број заразени како во другите развиени земји, но бројот на вакцинирани е меѓу најниските. Во Австралија, само 20 проценти од населението над 16 години е целосно вакцинирано.