Алек Болдвин ризикува да биде кривично гонет за ненамерно убиство, велат правните експерти

САД– Алек Болдвин ризикува да биде кривично гонет за ненамерно убиство на снимателката Халина Хачинс, предупредија правните експерти.

Холивудската ѕвезда може да се соочи со обвиненијата поради неговата улога како извршен продуцент на филмот, а не поради повлекување на чкрапалото, сугерираше американскиот обвинител Џозеф Коста.

Коментарите дојдоа откако се појавија вести за напуштање на екипата во знак на протест поради работните услови и загриженоста за безбедноста непосредно пред пукањето.

Г-ѓа Хачинс, 42-годишна мајка на едно дете, почина на филмски сет во близина на Санта Фе, Ново Мексико во четвртокот попладне, откако Болдвин испукал од реквизит пиштол за кој мислел дека бил наполнет со ќорци.

„Како извршен продуцент, вие сте во позиција на контрола и може да бидете кривично гонети“, изјави за Њујорк Пост Коста.

„Тоа е еквивалент на пиење и возење, што значи дека некој можеби немал намера да предизвика голема штета, но тоа го прави“.

Вознемирениот актер, кој опиша како неговото срце е скршено од трагедијата, беше сликан викендот како се гушка со сопругот на г-ѓа Хачинс, Метју и неговиот мал син.

Г-дин Хачинс рече дека 63-годишниот актер му бил „голема поддршка“.

Таткото на починатата снимателка во меѓувреме го ослободи Болдвин од вината, велејќи за Sun во неделата дека одговорноста е на тимот за оружје на филмот.

Шоу-бизнис веб-страницата ТМЗ објави дека пиштолот бил користен рекреативно надвор од филмскиот сет, додека анонимни членови на филмската екипа изјавиле за Њујорк Тајмс дека имало уште две случајни пукања од оружје на сетот на Раст.

Инцидентот го истражува канцеларијата на шерифот на округот Санта Фе.

Ребека Ројф, од Правниот факултет во Њујорк, изјави дека Болдвин би можел да биде обвинет за убиство без предумисла, доколку не го спроведе соодветниот степен на грижа.

„Но, дури и ако обвинителот утврди дека тој бил на некој начин виновен, ваквите несреќи редовно не се кривично обвинети“, рече таа.

„Обвинителот најверојатно ќе разгледа голем број фактори за да утврди дали би било соодветно да се направи тоа овде“.

Обвинителите ќе разгледаат колку е лично виновен Болдвин или дали грешките биле направени од голем број луѓе, рече таа.

Професорот на Правниот факултет во Колумбија, Џејмс Либман, тврди дека Болдвин бил повеќе изложен на ризик да го повлече чкрапалото отколку во својството како извршен продуцент.

„За убиство од небрежност е потребен доказ дека обвинетиот всушност, субјективно, бил свесен за сериозен ризик од штетата што следела“, рече тој.

„Ако на Болдвин му каже некој на кој е разумно да се потпре дека пиштолот е безбеден или празен, тоа би требало да го ослободи од одговорност според која било теорија.

„Меѓутоа, ако тој не беше толку уверен или ако имаше причина сериозно да се сомнева во веродостојноста на лицето кое рече дека пиштолот е безбеден, тогаш тој може да биде одговорен според која било теорија – но случајот за неговата одговорност како стрелец би било многу посилно од случајот за него како продуцент“.

За време на викендот, се покажа дека 24-годишната армиерка на снимањето  изјавила дека е „нервозна“ за преземање на претходната улога. (Телеграф)