Ал Кидрех: Евакуирани се околу 100 пациенти од индонезиската болница во Газа

Околу стотина пациенти се евакуирани синоќа од индонезиската болница во Газа, која вчераутро беше цел на израелско гранатирање, соопшти портпаролот на Министерството за здравство Ашраф ал Кидрех. Според ал Кидрех, операцијата била спроведена во координација со Меѓународниот комитет на Црвениот крст (МКЦК).

-Има уште 500 пациенти во болницата и работиме со МКЦК на нивната евакуација во болницата „Насер“ во Кан Јунис, на југот на Појасот Газа, додаде портпаролот на болницата.

Ал Кудрех додаде дека „стотина други пациенти во текот на ноќта ќе бидат евакуирани, а потоа ќе бидат распоредени во различни болници на југот“.