Адам Михник : Путин е бандит, а Бајден знае како да се однесува со нив
Владимир Путин „ја воведе Русија во стапица“ со инвазијата на Украина, изјави поранешниот полски дисидент Адам Михник, предвидувајќи конечен пораз за рускиот лидер и шанса за многу потребните либерални реформи потоа.
„Во Русија, промените се случуваа откако војните беа изгубени – по финската војна, јапонската, авганистанската војна, а сега и во Украина“, изјави Михник за Радио Слободна Европа.
Михник, водечки интелектуалец од ерата на Студената војна и долгогодишен критичар на руската доминација во Источна Европа, сега, на 75-годишна возраст, е главен уредник на либералниот полски весник Газета Виборча. Во колумна за весникот, Михник ја оцени борбата на Украинците како последно поглавје во историската репресија на Советскиот Сојуз и Русија.
„Путин не мислеше дека ќе има таков херојски одговор од украинската армија и украинското општество. Неговата надеж беше дека ќе има повторување на она што се случи на Крим. Ентузијазмот, како што беше за време на Крим, не се случи“, оцени Михник. Во неговата пресметка да оди во војна ,вели тој, Путин беше поттикнат од верувањето — кое го имаат многу Руси – дека Украинците не се посебен народ.
„Тој мисли, веројатно како и некои наши заеднички руски пријатели, дека луќето во Украина не се Украинци, тие се мали Руси, дека се иста нација. Ова е голема грешка, не само за Путин, туку и за многу апсолутно искрени и интелигентни луѓе во Русија “, тој рече. Втората грешка на Путин според него е што тој верувал дека САД се мртви по Кабул и дека не сфатил дека Бајден не е Трамп кој што ќе верува дека Путин е добронамерен гениј.
„Бајден е мирен, нормален човек, но кој знае дека Путин е бандит и како треба да се однесуваш со бандит“, рече Михник.
Тој смета дека е тешко да се процени каква поддршка има Путин меѓу просечните Руси, во услови на влошување на репресијата и замазнувањето на секој опозициски медиум.
„Не верувам дека Русите 100 отсто го поддржуваат Путин. Околу 200.000 Руси заминаа во странство. Во 1968 година, за време на интервенцијата во Чехословачка, седум лица излегоа на Црвениот плоштад во Москва. Денес, 8.000 веќе се уапсени затоа што излегоа на улица со слоганот „Не за војна“, рече Михник. Русија, вели тој, усвоила многу советски тактики во дефинирањето на оние што ѝ се спротивставуваат, при што Украинците ги обезличува како „нацисти, фашисти“, преку бескрајна канонада од државните медиуми.
„Дури и за време на болшевиците, војната со Полјаците не беше војна со Полјаците — не, тие беа белите Полјаци“, рече Мичник, истакнувајќи го терминот што го користеа болшевиците, а подоцна и советските власти за да ги означат како „ непријатели“ на нивното комунистичко владеење.
„Кога имаше зимска војна со Финска, тие беа бели Финци. Сега, не Украинци, туку фашисти, нацисти… Ако така ви кажат наутро, по вечера, навечер, еден ден, друг ден. , трет ден, на крајот на краиштата, мислите дека има нешто во тоа“, рече Михник.
„Добро се сеќавам дека во Полска, во советско време, имаше антигерманска пропаганда дека сите Германци се нацисти. Но, не нашите од Источна Германија — тие беа добри Германци. Украинците од Луганск и Доњецк кои ја поддржуваат политиката на Кремљ се добри, но не се Украинци. Тие се мали Руси“, вели Михник.
Според него руската инвазија на Украина ќе заврши со пораз на Путин, а судејќи според претходните руски воени порази во минатото, може да се појави можност за промени.
„Сигурен сум дека Украина за Путин ќе стане она што Авганистан стана за [Леонид] Брежњев“, рече Михник, мислејќи на поранешниот советски лидер кој нареди инвазија на Авганистан во декември 1979 година.Тој конфликт доведе до смрт на околу 15.000 војници и два милиони Авганистанци пред неговиот крај во 1989 година, забрзувајќи го распадот на Советскиот Сојуз. Сега, Михник се надева дека рускиот пораз во Украина би можел да биде искра за разгорување на демократските промени во Русија.
„Русија направи лош избор. Но, ние сè уште имаме надеж дека промените се можни. Јас нема да доживеам да го видам тоа, но мојот син ќе доживее, ќе дојде нов бран…“