26 август во историјата – Во Битката за Креси се смени начинот на европското војување

За време на Стогодишната војна, англиската војска на кралот Едвард III ја уништи француска сила под команда на кралот Филип VI во битката кај Креси во Нормандија. Битката, во која Англичаните ја почнаа раната употреба на смртоносниот долг лак, се смета за една од најодлучувачките во историјата.

На 12 јули 1346 година, Едвард се истовари со инвазиска сила од околу 14.000 луѓе на брегот на Нормандија. Оттаму, англиската војска тргна кон север, ограбувајќи ги француските села. Дознавајќи за пристигнувањето на Англичаните, кралот Филип собра армија од 12.000 луѓе, составена од приближно 8.000 витези на и 4.000 најмени самострелци од Џенова. Во Креси, Едвард ја запре својата војска и се подготви за францускиот напад. Доцна попладнето на 26 август, војската на Филип нападна.

Џеновјаните самострелци го водеа нападот, но тие набрзо беа совладани од 10.000 стрелци на Едвард, кои можеа да се наместат побрзо и да стрелаат многу подалеку. Самострелците потоа се повлекоа, а француските витези на коњи се обидоа да навлезат во англиската пешадија. Коњите и јавачите беа исечени во безмилосниот дожд од стрели. Навечер, Французите конечно се повлекоа. Речиси една третина од нивната војска лежеше убиена на теренот, вклучувајќи го и братот на Филип, Шарл II од Аленкон; неговите сојузници кралот Јан од Бохемија и Луј II од Невер; и 1.500 други витези и следбеници. Самиот Филип побегна ранет. Англиските загуби беа помалку од сто.

Битката го означи падот на дотогашното европското војување и подемот на Англија како светска сила. Од Креси, Едвард маршираше до Кале, кое му се предаде во 1347 година.