Што точно стои во заклучокот на ЕУ за Македонија?

Советот на ЕУ донесе одлука за условни преговори со Македонија, за кои датумот ќе биде утврден во јуни 2019 година. Еве што стои во заклучокот усвоен доцна попладнево во Брисел, по тешка расправија:

„Со оглед на напредокот, особено во спроведување на договорот од Пржино, итните реформски приоритети и позитивниот импулс создаден со договорот со Грција за името, Советот се согласува позитивно да одговори на горенаведениот напредок направен од страна на поранешната југословенска Република Македонија и го поставува патот кон отворање на пристапни преговори во јуни 2019 година. Според тоа, Советот ја нагласува критичната потреба БЈРМ да продолжи со конкретен напредок околу итните реформски приоритети и да даде понатамошни опипливи резултати во борбата против корупцијата и одржувањето и продлабочувањето на сегашниот реформски импулс. За таа цел, Советот ја повикува Комисијата внимателно да ги следи горенаведените реформски напори на поранешната југословенска Република Македонија и да го процени напредокот врз основа на годишниот извештај на Комисијата. Советот потсетува дека одлуката за отпочнување на преговори за пристапување со поранешна Југославија
Република Македонија ќе биде предмет на завршување на националните парламентарни процедури и на одобрувањето од страна на Европскиот совет, по што брзо ќе следи првата меѓувладина конференција до крајот на 2019 година, зависно од постигнатиот напредок. Советот нагласува дека оваа проценка на напредокот треба да вклучи дополнителни видливи и одржливи резултати, фокусирајќи се особено на:
– судските реформи и проактивни истраги, обвиненија и конечни пресуди во случаите на корупција и организиран криминал, вклучително на високо ниво;
– Реформа на разузнавачките и безбедносните служби;
– реформа на јавната администрација.
Советот ја зема предвид намерата на Комисијата да започне со потребната подготвителна работа“.