(ФОТО) Се собираат демонстрантите, почнува протестот пред Собрание
Пред Собранието во центарот на Скопје полека се собираат граѓаните кои преку протест искажуваат дека се против промената на името и против тоа да се менува уставот со цел имплементација на Договорот од Преспа.
Подоцна во текот на денот се очекува на протестирачите да им се придружи и раководството на опозициската ВМРО-ДПМНЕ.
Се очекува пред насобраните луѓе обраќање да има и лидерот на ВМРО-ДПМНЕ Христијан Мицкоски, но во својство на граѓанин.
Засега, непрооден е само булеварот пред Собранието додека по другите улици во центарот на Скопје сообраќајот се одвива нормално.