Скијачи од Македонија паднале во бездна на Банско
Петмина македонски државјани, скијачи и сноубордери, кои скијале надвор од назначени локации паднале во бездна. Операцијата за спасување што се одвиваше вечерва во Пирин од страна на Дамјанишка долина, заврши успешно, пренесува бугарски БГНЕС од Благоевград. Скијачите се живи и здрави и пренесени на безбедно место.
Сигналот за помош бил доставен до Планинската спасувачка служба во Банско. Околу 20 часот вечерва десет спасители ја извршувале акцијата за спасување на луѓето во планината.
– Сите пет македонски државјани се во добра форма. Повикувачите се локализирани, нема опасност за нив, уверуваа спасителите.
Во петокот во лавината над Банско двајца сноубордери ги загубија животите. Лавината падна на врвот Тодорка.