Седум и пол години затвор за дедото на Тамара


Љупчо Стојановски, дедото на малата Тамара е прогалсен за виновен и осуден на седум години и шест месеци затвор за обид за убиство на поранешниот министер за здравство, Никола Тодоров.

Судот ги зел предвид и олеснителните околности, односно тоа што шеесет и едногодишниот Стојановски има висок притисок и други здравствени проблеми, но и отежнувачките околности, односно неговата непоколебливост и упорност да го најде министерот.

Судот одлучи Стојановски да остане и во притвор бидејќи, постоела опасност тој да го доврши делото, односно да го убие Тодоров.

Според одбраната пресудата не е коректна бидејќи судот немал доволно докази за пукањето на пиштолот со тоа што и МВР потврдила дека обвинетиот немал барутни честички на раката.

Стојановски на 1 јуни минатата година пукаше во поранешниот министер за здравство, Никола Тодоров, откако почина неговата внука Тамара чекајќи операција во странство.