СДСМ: Мицкоски не може да понуди ништо освен оцрнување

Целото политичко делување на Христијан Мицкоски се заснова на одбрана на криминалот и следење на поразените политики на неговиот претходник Никола Груевски, се вели во соопштението на СДСМ.

„ВМРО-ДПМНЕ и Мицкоски немаат никаква идеја, ниту план и програма, освен неосновано, лично да го оцрнуваат и клеветат Зоран Заев. Мицкоски е единствениот политичар кој сопственото обраќање на митинг бил приморан да си го дообјаснува на интервју, по неговото одржување. Мицкоски не само што не се извини за сите зла што ВМРО-ДПМНЕ им ги нанесе на граѓаните за 11 години владеење и пустошот што го направи на Македонија, туку станува промотор на погубните политики на Груевски, што беа силно поразени од граѓаните“, стои во соопштението.