Одложена седницата за избор на шефови на јавните обвинителства

Советот на јавните обвинители денеска не избра нови шефови на скопското обвинителство и на обвинителството за организиран криминал и корупција. Седницата беше одложена за идната среда. Советот побарал дополнителни информации за пријавените кандидати.

„Седницата беше одложена од причина што членовите на Советот сметаат дека со оглед на бројот на кандидати пријавени во постапката за избор на јавни обвинители и треба да се прибават уште неколку податоци коишто се од значење за носење за избор на обвинителите“, изјави претседателот на Советот на јавните обвинители, Коле Штерјев.