Одземени два телефона и компјутер од домот на Елизабета Канческа-Милевска
Два мобилни телефона и компјутер се одземени при претресот што денеска беше извршен во домот на поранешната министерка за култура Елизабета Канческа-Милевска.
Информацијата за претресот за МИА ја потврди нејзиниот адвокат Сашо Дукоски.
Според првичните информации, се работи за нова предистражна постапка.
Од Специјалното јавно обвинителство и од полицијата засега не отркиваат никакви детали за денешниот претрес.
Претходно, дел од медиумите јавија дека извршен е претрес и во домот на поранешниот генерален секретар на Владата Кирил Божиновски.