И Филип Петровски влегува во трката за лидер на ВМРО-ДПМНЕ

Филип Петровски ќе се кандидира за претседател на ВМРО-ДПМНЕ на вонредниот конгрес кој ќе се одржи на 23 декември.Ова тој го соопшти синоќа во дебата „Само вистина“ на Канал 5. Тој додаде дека се соочувал со притисоци од „палатата“.

Петровски, се одлучил на овој чекор по анализа и консултација со семејството, партиското членство. Вели  дека голема поддршка ужива од дијаспората.

„Има некои луѓе кои сметаат дека близината и тоа што постојано се во „палатата“ им дава предност пред другите, јас мислам тоа за нив е хендикеп, многу малку знаат што мисли членството. Има сериозен клиентелизам, гледам дека има големо непознавање за историјатот на конгресите“ – рече Петровски. Порача да не се врши притисок врз делегатите како да гласаат.

За 27 април кажа дека терорист е пратеникот од БЕСА кој ја пееше албанската химна и направи провокација. Вели дека тој мора да одговара.