ВМРО-ДПМНЕ не се појави во парламентот

Пратеничката група на ВМРО-ДПМНЕ не се појави претпладнево во парламентот. Редовната седница за поставување пртаенички прашања почна без пратениците на најголемат опозициска партија.

Од ВМРО-ДПМНЕ вечера најавија дека ќе продолжат да ја бојкотираат работата на парламентот, откако судот ги продолжи притворите за осомничените за настаните на 27 април.

Премиерот Зоран Заев почна да одговара на прашања на другите пратеници, иако вчера најави дека седницата ќе трае кратко доколку не се појави опозицијата. На пратенички прашања досега одговараа и дел од министрите.

Во два часот треба да продолжи седницата со закони за судството.