(ВИДЕО) Дескоска: Казната за нерегистрирано возило се намалува од 500 на 250 евра


Во владина процедура влегува законот за прекршоци кој предвидува намалување на казните од 75 до 150 проценти, најавија денеска на прес-конференција премиерот Зоран Заев и министерката за правда Рената Треневска-Дескоска.

Министерката Рената Тренеска-Дескоска рече дека со новиот закон акцентот се става на опомената.

Намалување на максималната глоба ќе има и за санкционирани нерегистрирани возила повеќе од 30 дена која ќе изнесува 250 евра намсето досегашната 500 евра, за технички неисправно возило 250 евра наместо досегашните 400 и предизвикување бучава ќе се казнува со 250 евра наместо досегашните 450 евра, информираше Тренеска Дескоска.

-Станува збор за закон што практично ќе значи решавање на проблемите на граѓаните заради драконските казни со кои се соочуваат и на претпријатијата кои честопати беа непотребно казнувани со превисоки казни и значеа и затворање на некои фирми заради висината на казната, рече Треневска-Дескоска.