(ВИДЕО) Груевски дочекан со овации на конгресот во Валандово
- Во Домот на културата во Валандово денеска во 11 часот продолжи со работа 16. конгрес на ВМРО-ДПМНЕ на кој се очекува да биде избран новиот претседател на партијата. Досегашниот претседател на Никола Груевски на денешното продолжение на конгресот беше пречекан со аплауз и овации од присутните делегати.
<iframe width=”800″ height=”420″ src=”https://www.youtube.com/embed/iKF5UbtV7XE” frameborder=”0″ gesture=”media” allow=”encrypted-media” allowfullscreen></iframe>
Синоќа, на првиот ден од работата на највисокиот партиски орган присуствуваа 411 од вкупно запишаните 544 делегати со што беше исполнет статутарниот услов за работа на Конгресот.
Согласно дневниот ред од 16 точки, денеска меѓудругото треба да има обраќање претседателот во оставка Груевски, а потоа ќе биде презентирана програмата на единствениот кандидат за претседател Христијан Мицковски, кој ја извршуваше функцијата генерален секретар на партијата.
За да биде избран за претседател, Мицковски треба да има мнозинство од вкупниот број делегати. Тогаш, согласно конгресната агенда, Мицкоски ќе има обраќање пред делегатите.
Синоќа, пред почетокот на конгресот, Мицковски рече дека им подава рака на неговите партиски неистомисленици, меѓу кои и Илија Димовски и Антонијо Милошевски, кои не присуствуваа на когресот, а чија иницијатива за одлагање на конгресот и бирање колективно раководство, не беше прифатена.