Почна постапката за изградба на Дом на спортовите

Владата на денешната седница ја разгледа и усвои Информацијата за изградба на Дом на спортовите.

Како што соопшти владината прес-служба, Владата го задолжи Акционерското друштво за изградба и стопанисување со станбен простор и со деловен простор од значење за Републиката, во заедничка корелација со Агенцијата за млади и спорт, да обезбеди координација и административна поддршка за целосна реализација на предметниот проект и да ја информира за неговата реализација во рок од шест месеци.