Посетителот на Груевски му откри на Јанакиески дека јадел гулаш во Будимпешта

Пред почетокот на денешното рочиште на судењето за насилството пред Општина Центар, ексминистерот за транспорт и врски, Миле Јанакиески, го праша Александар Трајковски, кој беше на гости кај Никола Груевски во Унгарија, дали јадел гулаш, јавува Макфакс.

„Јадеше гулаш, а?“, го праша Јанакиески. Трајковски му одговори: „Јадев, зашто да не јадам. Има дана за мегдана“, по што останатите обвинети кои чекаа да почне рочиштето во чекалницата се изнасмеаја.

На денешното рочиште за овој предмет треба да бидат изведени материјални докази на Обвинителството, меѓу кои и две аудиоснимки на СЈО. Првото рочиште за предметот „Насилство во Центар“ почна на 16 декември 2016 година, но динамиката на судење досега се одвива бавно.