Поглаварите на СПЦ и БПЦ утре во Москва на средба со поглаварот на РПЦ

Рускиот патријарх Кирил утре во Москва ќе се сретне со бугарскиот патријарх Неофит и со српскиот патријарх Иринеј.Иако нивното патување во Русија е во рамки на учествот на Серускиот правсолавен собор, сепак неизбежно е дека најновите релации меѓу МПЦ и БПЦ ќе бидат една од темите на кои ќе разговараат двајцата патријарси со поглаварот на Руската Православна црква.

Со бугарскиот патријарх ќе патуваат и дел од владиците што се во составот на комисијата што Бугарската православна црква ја оформи за да разговара со другите помесни православни цркви за статусот на Македонската православна црква – Охридска архиепископија.

Руските медиуми денеска објавија дека руската црква официјално ја признала украинската црква за независна, што значи дека таа добива широк простор за автономија.

Во уставот на руската црква, украинската црква ќе биде посебно издвоена и наведено е дека таа се управува од Киев, а не од Москва.