ОБСЕ ќе презентира правен коментар на Законот за кривична постапка

Мисијата на ОБСЕ во Скопје денеска ќе го презентира правниот коментар на Законот за кривична постапка, кој ќе им помогне на адвокатите, судиите и обвинителите да го применат правото на подобар и поунифициран начин во судовите.

Правниот коментар, кој е прв од таков вид, беше подготвуван од група правни експерти.

Од Мисијата на ОБСЕ информираат дека на коментарот на Законот за кривична постапка работеле последните три години во соработка со Правниот факултет „Јустинијан Први“ во Скопје.

На презентацијата најавено е обраќање на шефот на Мисијата на ОБСЕ во Скопје, амбасадорот Клеменс Која и деканот на Правниот факултет „Јустинијан Први“ Горан Коевски.