ВМРО-ДПМНЕ: Не знаеме дали Груевски е во Унгарија

Немаме никаков контакт со Никола Груевски, не знаеме каде, вака одговори Димче Арсовски од ВМРО-ДПМНЕ на денешната прес-конференција.

На новинарските прашања дали го виделе Фејсбук статусот на Груевски и дали знаат нешто во врска со тоа, Арсовски рече дека немаат никакви информации.

Тој додаде дека не знае дали навистина Груевски добивал закани по својто живот, како што пишува на Фејсбук, но верува дека е така.

Никола Груевски преку неговиот официјален профил на Фејсбук напиша дека се наоѓа во Унгарија и дека побарал политички азил од тамошните власти.

„Во последните неколку денови примив безброј закани по мојот живот. Јас сум во Будимпешта сега, и побарав политички азил од Унгарските власти. Секогаш ќе останам верен на каузата на Македонија. Никогаш нема да отстапам“, напиша тој.