ВМРО-ДПМНЕ: Капитулантскиот договор нема да донесе подобар живот

Зоран Заев и криминалниот картел кој го води ја донесоа Република Македонија во потчинета положба.

Капитулантскиот договор кој го потпиша Заев е понижувачки за целата држава. Правата вистина е дека иденитетот не е зачуван, соопштија од опозицијата.

Зоран Заев го брише терминот Македонија. Грчкиот премиер Ципрас соопшти дека договорот не признава постоење на македонска националност, а Заев не негираше. Овој договор спроведува модерен геноцид.

Заев го ограничува јазикот и иднентитот, што е во спротивност со меѓународните конвенции.

Заев ги понижи институциите, и го погази Уставот, законите и процедурите. Ратификацијата на договорот во Собранието без дискусија во Комисијата за надворешни работи е во спротивност со процедурите и претставува злоупотреба на европското знаменце.

Заев вчера призна дека договорот предвидува промена на личните карти, пасошите, смена на сите институции што го содржат зборот Македонија.

Капитулантскиот договор на Заев нема да донесе подобар живот, државата повеќе ќе тоне поради неспособната влада, а срамниот геноцид ќе се памети

Заев свесно ја лажеше јавноста.

Од опозицијата подвлекуваат дека договорот кој го потпиша Заев за Република Македонија создава само обврски. Република Македонија е оштетена страна, а за картелот на власт не важат законите ниту Уставот. Затоа Зоран Заев мора да падне за да Македонија победи.