Торта „Касато“

Состојки:

500 – 550 г бисквити (искршени)

100 г темно чоколадо

3 лажици какао

250 г путер

150 г шеќер во прав

200 г сечкано желе

3 лажици рум арома

50 г мелени ореви

50 г мелени лешници

250 м млеко

Глазура

70 г путер

120 г бело чоколадо

2 лажици масло

2 лажици вода

Приготвување:

Во сад на оган се мешаат и се соединуваат чоколадото, млекото, какаото и половина од шеќерот. Другата половина од шеќерот се мати со путерот. Тука се додава и румот. Потоа се додаваат бисквитите, јатките и желето. Се промешува кратко, а потоа се додава топлата изедначена чоколадна смеса. Се меша убаво сѐ, па се става во калап или тава 28 обложена со растеглива фолија. Се затвора убаво и колачот се сместува во фрижидер да отстои и да се стегне преку ноќ.

Следниот ден се приготвува глазурата. Прво на среден оган го топиме путерот. Откако ќе се стопи, додаваме искршено бело и поквалитетно чоколадо, откако и тоа ќе се стопи додаваме прво масло, а потоа и вода. Промешуваме добро и глазурата ја оставаме да се излади сосема малку пред да го прелиеме колачот со неа.

Се остава на ладно уште 1 час за да се стегне глазурата, а потоа може да се исече и да се послужи.