Тахири: Испративме четири барања до Белград, но нема одговор

Косовскиот министер за правда Абелард Тахири изјави дека Приштина испратила четири барања до Белград за информации за расветлување на убиството на Оливер Ивановиќ. но не добила одговор на ниту едно.

– Во текот на неделата ќе испратиме уште едно барање до властите во Белград, со кое ќе прашаме и за статусот на испратените барања. Дали постои волја да одговорат или како стојат работите, истакна Тахири.

Тој тврди дека Приштина е многу заинтересирана да се реши убиството на лидерот на граѓанската инцијатива Слобода, правда и демократија, Оливер Ивановиќ и сторителите да се изведат пред лицето на правдата.

Во саботата уапсени се двајца припадници на косовската полиција во Северна Миртовица под сомнение дека извршиле кривично дело „манипулација со доказите во случајот на Оливер Ивановиќ“.