Zaevi i bëri thirrje Mickoskit, Ahmetit dhe Selës për takim të liderëve

Kryeministri Zoran Zaev sot bëri thirrje për mbajtjen e takimit të liderëve, të premten në orën 14 në Klubin e Deputetëve.

Ftesa i është bërë liderit të VMRO-DPMNE-së Hristijan Mickoskit, të BDI-së Ali Ahmetit dhe të Aleancës të Shqiptarëve Zijadin Selës.

Në takimin e liderëve, siç thekson Zaev, do të bisedohet për kodin e ri zgjedhor dhe modelin zgjedhor, për ligjin për prokurorinë publike respektivisht për  zgjidhjen e statusit të PSP-së dhe për regjistrimin.

Zaev nuk e përjashton  mundësinë që të bisedohet edhe për tema të tjera, midis të cilave edhe për zgjedhjet e parakohshme, që insiston opozita, por thotë se, edhe pse partia qeveritare është e gatshme për zgjedhjet, përparësi për momentin duhet të kenë  eurointegrimi dhe zhvillimi i vendit dhe ekonomisë.