Zaev: Të gjitha subjektet t’i mbështesin reformat

Të gjitha subjektet politike t’i mbështesin vendimet me të cilat rrumbullakohen reformat, për mposhtjen përfundimtare të “shtetit të  robëruar”, për luftë kundër krimit dhe korrupsionit, për shoqëri në të cilën askush nuk do të privilegjohet dhe amnistohet, porositi kryeministri Zoran Zaev në fjalimin e tij para opinionit me rastin e ngjarjeve të fundit me Prokurorinë Speciale Publike dhe propozim ligjin për Prokurori Publike.

“Ne jemi para hapit final për çlirimin e gjyqësorit nga kthetrat e regjimit i cili është prapa nesh. Është e madhe përgjegjësia te subjektet politike në këtë luftë për shtet juridik. Por, përgjegjësi më të madhe ka partia e cila i solli padrejtësi shtetit dhe Mickovski si njëri i parë i asaj partie. E di që ju, qytetarët jeni lodhur nga bojkotimet dhe vonesat politike dhe se kërkoni hapa vendimtarë. Për këtë unë do të vazhdoj që edhe me më shumë vendosmëri të thërras dhe bind opozitën që t’i mbështesë reformat.

Kjo është koha kur drejtësia del në skenë, koha në të cilën nuk guxon të ketë kursim në luftë kundër krimit dhe korrupsionit. Askush nuk është privilegjuar dhe askush nuk do të amnistohet.

E inkurajojmë Prokurorinë Publike që të vazhdojë, deri në fund në këtë luftë, pa dallim deri te kush arrin përgjatë hetimit.

Kjo është koha e mposhtjen përfundimtare të “shtetit të robëruar”. Iu bëj thirrje të gjithëve që t’i mbështesim vendimet me të cilat i rrumbullakojmë reformat, për jetë më të mirë në këtë mozaik tonin të bukur, në këtë shoqëri të përbashkët, thekson kryeministri Zoran Zaev në fjalimin e tij para opinionit.