Во Вашингтон патнички авион се судри со воен хеликоптер и падна во реката Потомак
Судирот се случил во 21 часот по локално време, неколку моменти пред слетувањето на авионот. Во воздухопловот имало 64 луѓе
Вашингтон – Властите во американската престолнина вршат истрага откако синоќа во воздух се судрија помал патнички авион на „Американ ерлајнс“ и воен хеликоптер.
Сударот се случил во близина на главниот аеродромот во Вашингтон, а делови од воздухопловите паднале во реката Потомак, јавија американските медиуми.
Се дознава дека во патничкиот авион „Бомбардие ЦРЏ“ носел 60 патници.
-Има жртви, изјави доцна синоќа Тед Круз, сенатор од Тексас, пренесе Волстрит џурнал. Според претставници од авиоиндустријата и владата, во авионот имало 60 патници и четворица членови на екипажот. Во воениот хеликоптер „Блек хок“ се наоѓале три лица.
Сударот се случил некаде пред 21 часот локално време, моменти пред слетувањето на патничкиот авионот. Леталата се урнале во реката Потомак.
За инцидентот бил информиран и претседателот Доналд Трамп.
„Господ нека ги благослови нивните души. Благодарност за неверојатните напори на нашите екипите за итна помош. Ја следам ситуацијата и ќе споделам повеќе детали кога ќе станат достапни“, изјави Трамп.
Националниот аеродромот „Роналд Реган“ во Вашингтон поради инцидентот синоќа беше затворен. На местото на несреќата можеа да се видат неколку десетици возила на службите за брза помош.