Во Лондон беа покажани банкнотите со ликот на кралот Чарлс III

Банката на Англија ги претстави своите први банкноти со ликот на кралот Чарлс III. Сепак, тие ќе влезат во оптек од средината на 2024 година за постепено да ги заменат оние со кралицата Елизабета Втора.

Чарлс стана крал во септември по смртта на кралицата Елизабета, која беше на тронот 70 години.

Новите полимерни банкноти од 5, 10, 20 и 50 фунти имаат портрет на Чарлс на предната страна. Останатите банкноти остануваат слични на сегашните.

„Ова е важен момент бидејќи кралот е само вториот монарх што се појавува на нашите банкноти“, рече гувернерот на Банката на Англија, Ендрју Бејли во изјавата. Кралицата Елизабета првпат се појави на банкнотите во 1960 година, за разлика од британските монети, на кои долго време се прикажани слики од владетелите на земјата.

Британската кралска монетарница започна со пуштање на првите монети од профилот на Чарлс во општ промет на 8 декември.

Банката на Англија нема намера насилно да ги повлече банкнотите на кралицата Елизабета Втора додека не се истрошат, па и двата вида банкноти ќе бидат во оптек неколку години.