Во ист фустан- Диане вон Фурстенберг им посака мир на Меган Маркл и принцезата Кејт 

САД– И покрај нивните разлики, Меган Маркл и принцезата Кејт делат некои сличности. Години наназад, снаите го носеа истиот фустан.

Славната дизајнерка и модна икона Диане вон Фурстенберг го истакна моментот кога Меган (41) и Кејт (40) носеле една од нејзините креации додека им испраќа слатка порака на јатрвите среде објавувањето на документарната серија на Нетфликс, Хари и Меган.

„Еднаш одамна две убави жени се омажија за два згодни принца“, објави Фурстенберг  (75)  преку Инстаграм во сабота, 17 декември. „Еве [се ] и двете носат ист фустан @DVF наречен Зорита“, продолжи таа. „Им посакуваме мир и љубов во Новата година!

На сликата, Кејт се гледа како го носи фустанот од тантела за настапот на Royal Variety на Лондонскиот паладиум во 2014 година. Меган избра пократна верзија од истиот фустан за гала настан во Лос Анџелес во 2012. 

Објавата на Вон Фурстенберг доаѓа во време на семејна драма околу лимитираната серија на принцот Хари и Меган, која ги истражува раните денови на нивната врска и многуте предизвици со кои се соочиле како членови на кралското семејство.

Документарната серија, исто така, укажува на моменталната тензија меѓу Хари и неговиот брат, принцот Вилијам.

Во серијата, Меган сподели дека „ретко“ носела боја додека била во Обединетото Кралство за да се „вклопи“, но за време на нејзините последни ангажмани таа облекла поживописна облека за да остави сопствен впечаток.

Кралот Чарлс Трети, Вилијам, Кејт и другите членови на кралското семејство допрва треба јавно да ја коментираат серијата од шест дела. Претходно овој месец, извор од палатата ги негираше тврдењата на Нетфликс дека кралското семејство одбило да коментира.

Vol. 1 и 2 на Хари и Меган моментално се емитуваат на Нетфликс.