Вимблдон откри зошто Фелипе е најдобро облечен крал во Европа

Лондон – Eве ја причината зошто Ана Винтур сака да оди на Вимблдон. Секако, тенисот е забавен, а јагодите се свежи, но стилот, е стил. Среде лен и памук, минатиот викенд шпанскиот крал Фелипе Шести го украде шоуто – и сигурно и окото на уредничката на Vogue – кога присуствуваше на машкото финале за да го гледа својот сонародник Карлос Алкараз како го победи на Централниот терен Новак Ѓоковиќ во пет сета.

Иберискиот монарх носеше класичен изглед на беспрекорно скроен син блејзер , комбиниран со кошула со отсечена јака со дискретни риги , вратоврска со перфектен јазол.

Изгледот на Фелипе стана вирален на социјалните мрежи откако новинарот Дерек Гај објави нишка на Твитер во која идентификува три клучни причини за неговиот успех. „1. [На] јаката го гушка вратот, 2. [Нема] никаде влечење, работите висат чисто. 3. Реверите завршуваат на половина пат до јаката (убав сооднос).“

Навистина, изгледот на кралот Фелипе го имаше ефектот што може да се постигне само кога нечија облека е правилно, вистински скроена. На Фелипе му ги кроеше костумите кројачот Хаиме Гало се додека не умре во 2015 година. Гало почна да работи со тогашниот принц кога имал само 11 години.

На финалето на Вимблдон, кралот Фелипе се соочи со силна конкуренција на трибините со стилот. Размислете за Бред Пит или Џонатан Бејли во неговиот костим, кошула и вратоврска во Ралф Лорен .