Видови риби кои можат да го зголемат нивото на витамин Д – консумирајте ги почесто

Витаминот Д е од суштинско значење за одржување на здрави коски, поддршка на имунолошката функција и регулирање на расположението.

Грижата за внесување на доволно дневен витамин Д е особено важна за време на постудените месеци, кога многу луѓе поминуваат значително помалку време на сонце.

Овој витамин можете да го внесете преку суплементи, но и со конзумирање на храна која е природно богата со него.

Според Eating Well, препорачаниот дневен внес на витамин Д за повеќето возрасни е 600 IU (меѓународна единица мерка за ефектот или биолошката активност на супстанцијата), зголемувајќи се на 800 IU за луѓе над 70 години.

Три вида риби кои се богати со витамин Д и треба почесто да се јадат.

Пастрмка
Пастрмката е одличен извор на витамин Д; порција од 85 грама обезбедува 645 IU, што е повеќе од 100 проценти од дневниот препорачан внес за повеќето возрасни. Ова го прави еден од најбогатите природни извори на витамин Д.

Покрај витаминот Д, пастрмката е богата со висококвалитетни протеини и омега-3 масни киселини кои помагаат во борбата против воспалението и го поддржуваат кардиоваскуларното здравје.

Лосос
Лососот е еден од најбогатите природни извори на витамин Д. Порција од 85 грама варен лосос обезбедува околу 570 IU витамин Д, покривајќи околу 95 проценти од вашите дневни потреби.

Дивиот лосос обично има повеќе витамин Д од одгледуваниот лосос, но и двата се одлични извори. Исто така, лососот е богат со омега-3 масни киселини кои го поддржуваат здравјето на мозокот и срцето и помагаат во намалување на воспалението.

Сардини
Само две сардини обезбедуваат 46 IU витамин Д, што е малку повеќе од количината што ќе ја најдете во едно јајце.

Сардините се исто така богати со калциум, витамин Б12 и омега-3 масни киселини, што ги прави одличен избор за поддршка на здравјето на коските и срцето.

Плус, ако ги купите конзервирани, тие се брз и лесен начин да додадете протеини и хранливи материи во вашата исхрана.