(Видео) Уште еден од повредените во пожарот во Кочани се врати од болница во Истанбул
Уште еден пациент, пред два дена, се врати од болница во Истанбул, каде беше на лекување по пожарто во дискотеката „Пулс“ во Кочани, а во „Аџибадем Систина“ остануваат уште двајца тешко повредени, кои не се критични.
„Ме радува моментот дека за неколку дена бројот на пациенти во болница се намали на тројца. Двјаца пациенти се на домашно лекување, еден пациент се врати од Истанбул и тој е на домашно лекување. Еден пациент од Клиниката за пластична хирургија, исто така е пуштен на домашно лекување“, рече Сашо Клековски, директор на ФЗОМ, кој во Кочани беше како дел од работната група на Владата.
Еден повреден останува во болница во Истанбул, а во последниот период пуштени се неколку пациенти од Клиниката за пластична хирургија. Во „Пирогов“ Бугарија, на лекување одат шест пациенти.
Двајца пациенти имаат отворени рани но тие се третираат во болницата во Кочани.
Според директорот на Фондот за здравствено осигурување, Сашо Клековски, физикалната терапија на сите повредени на кои им е потребна продолжува, а во посета бил и доктор, платичен хирург, од Белгија, кој правел проценка на сите на кои им е потребна ваква реконструктивна интервенција, за пациентите да ја вратат функцијата на изгорените екстремитети, но и да бидат убави.
На 18 пациенти им е потребна пластична и естетска операција. Сепак, уште е рано за такви интервенција.
Директорката на болницата во Кочани, Катерина Паниќ Мирчовска, рече дека кај некои потребни се операции за враќање на функцијата особено на прстите од рацете, а ним ќе им бидат извршени хируршки зафати.
Во болницата во Кочани, во последниот период вработени се 20 лица, но директорката вели дека и понатаму ќе треба да се надополнува персоналот. „Секогаш имаме недостиг на специјалисти, но со оглед на тоа што имаме соработка со Клиничката болница во Штип, тој недостиг се надополнува“.
Дополнително, зголемен е буџетот на болницата, за да ги надмине акумулираните долгови. Набавен е и рентген за болницата, а при крај е и изградбата на новиот физикален центар.
Се работи на обезбедување систем за централно снабдување со кислород на хируршките сали.
Проследете ја прес-конференцијата во живо: