(Видео) По 14 часа изгаснат пожарот на француската нуклеарна подморница

Пожарот што изби на француската нуклеарна подморница, што беше на ремонт во Тулон, изгаснат е по 14 часа. Француската морнарица соопшти дека не постои никаква радиоактивна опасност.

Огнот вчера се прошири во предниот дел на подморницата, а беше изгаснат по полноќ, по интервенцијата на сто пожарникари и 150 доброволци.

Fire on French submarine FS Perle in Toulon put out around 2130 yesterday by flooding the the boat with foam.

No injuries and no damage to reactor or propulsion but concerns the boat may be beyond repair.https://t.co/ydD1w8UnI3 pic.twitter.com/UYDucvwa7h

— Navy Lookout (@NavyLookout) June 13, 2020

По избивање на огнот подморницата беше евакуирана, така што никој не е повреден во пожарот.

Подморницата „Перл“ е една од шесте француски нуклеарни подморници и е во функција од 1993 година. Подморницата  е на ремонт во Тулон од јануари, а за нејзина модернизација потребни се околу 18 месеци.