(Видео) Откриено што однесоа крадците од Лувр: На мета колекцијата на Наполеон
Познатиот „Регент“, најголемиот дијамант во колекцијата, со тежина од повеќе од 140 карати, не е украден
Според францускиот весник „Ле Паризиен“, неколку лица успеале да украдат накит од музејот Лувр во Париз, утрово.
Според првичните наоди од истрагата, крадци со качулки го искористиле пристапот до зградата на брегот на Сена, каде што се во тек градежни работи. Тие користеле товарен лифт за да стигнат директно до една соба во галеријата „Аполон“.
Откако ги скршиле прозорците, двајца од нив влегле во зградата, додека третиот останал надвор. Крадците украле девет парчиња од колекцијата накит на Наполеон и царицата: ѓердан, брош, тиара итн. Тие избегале со скутер.
⚠️🇫🇷 Le musée du Louvre restera fermé aujourd'hui pour raisons exceptionnelles.
∴
⚠️🌍 The Musée du Louvre will remain closed today for exceptional reasons. pic.twitter.com/bFY1hRaW5k— Musée du Louvre (@MuseeLouvre) October 19, 2025
Според внатрешен извор во Лувр, познатиот „Регент“, најголемиот дијамант во колекцијата, со тежина од повеќе од 140 карати, не е украден. Штетата сè уште не е проценета.
Шефот на полицијата најави вонредна прес-конференција за попладнето на која ќе ги презентира најновите информации за истрагата.
Француската министерка за култура објави дека во неделата се случил грабеж во музејот Лувр. „Нема повредени“, напиша Рашида Дати на социјалните мрежи.
Un braquage a eu lieu ce matin à l’ouverture du @MuseeLouvre. Pas de blessés à déplorer. Je suis sur place aux cotés des équipes du musée et de la police. Constatations en cours.
— Rachida Dati ن (@datirachida) October 19, 2025
„Јас сум на лице место со музејските екипи и полицијата. Истрагата е во тек.“
Зградата е затворена за посетители до понатамошно известување. „Музејот Лувр ќе биде затворен денес поради исклучителни околности“, се вели во официјалниот Икс профил на музејот.
Посетителите што биле во музејот уште се внатре и не можат да излезат.
PANIQUE TOTALE au Musée du Louvre évacué d’urgence 🤯 Braquage confirmé par Rachida Dati. pic.twitter.com/p2c1Eo5XjT
— Raspoutine (@gregraspoutine) October 19, 2025