Вашите раце први покажуваат колку години имате, но и дали страдате од некоја тешка болест

Рацете се едни од првите делови од телото кои покажуваат знаци на стареење, но можат да укажуваат и на одредени здравствени проблеми.

Лекарите велат дека состојбата на вашите раце може да е резултат на неколку медицински промени што се случуваат во вашето тело.

Црвени дланки

Лекарите објаснуваат дека црвените дланки може да укажуваат на проблеми со црниот дроб, особено ако имате над 50 години. Можна причина за црвените дланки е промената на хормоналната рамнотежа која предизвикува проширување на крвните садови и ревматоиден артритис. Обично црвенилото е на надворешниот раб на дланката. Ако забележите црвени зони, побарајте лекарска помош. Во меѓувреме, обидете се да се префрлите на здрава исхрана и да го намалите внесот на алкохол.

Вкочанетост и пецкање

Во некои случаи, овие симптоми на рацете може да бидат знак за посериозен проблем како венска тромбоза, анемија или дијабетес. Ако често чувствувате губење на чувствителноста во вашите раце без некоја очигледна причина, консултирајте се со вашиот лекар што да правите.

Суви раце

Најчести причини за сува кожа на рацете се дехидрација и недостаток на естроген. Пијте многу вода и користете хидратантни креми и вклучете масна риба, семки и јаткасти плодови во вашата исхрана и посетете лекар.

Треперливи раце

Треперењето на рацете може да биде знак за сериозни здравствени проблеми, како што е Паркинсоновата болест. Друга причина за оваа појава е анксиозноста и големиот стрес. Ако тоа ви се случува често, посетете лекар. Во меѓувреме, ограничете го внесот на кафе и алкохол бидејќи тие можат да предизвикаат треперење на рацете.

Тенки, слаби и испукани нокти

Ваквите нокти може да бидат показател за недостаток на цинк. Цинкот е важен за нашето здравје, го промовира зараснувањето на раните и му помага на имунолошкиот систем. Додадете храна богата со цинк како овес, јаткасти плодови и месо во вашата исхрана.