Украинците напаѓаат со дронови „вампири“

Украинскиот тим за беспилотни летала од групата Немезис изврши една од поимпресивните акции во 31-месечната војна на Русија против Украина минатата недела, кога во текот на ноѓта нападна руски тенк „Желка“ врз кој фрли граната за  да го отвори дополнителниот оклоп на тенкот , а потоа фрли уште една граната под шините на тенкот.

Нападот го извршија дронови  за ножно летање, како дел од специјалната единица за беспилотни летала – прва од ваков вид во светот – која беше формирана уште во февруари. Силите за беспилотни системи управуваат со широк спектар на типови дронови за надзор, напад и снабдување.

Михаило Федоров, министер за дигитална трансформација на Украина, рече дека беспилотните летала во земјата „фундаментално ја променија ситуацијата на бојното поле“. Федоров предвиде дека посебните сили на беспилотните системи ќе го забрзаат технолошкиот напредок.

Ноќната способност на украинските дронови е еден од приоритетите. На почетокот на војната, повеќето беспилотни летала беа строго опремени со дневни камери и беа неефикасни ноќе. Кон крајот на минатата година, Украинците почнаа да поставуваат таканаречени „вампирски“ беспилотни летала опремени со инфрацрвени камери, давајќи им ноќни способности. Беспилотните летала „вампири“ предизвикаа хаос меѓу неподготвените руски војници кои ја изедначуваа темнината со заштитата. Фрлајќи десетици гранати, беспилотните летала разнесоа паркирани оклопни возила и разни утврдувања. Русите ги нарекоа ноќните дронови „Баба Јага“ по шумската вештерка од словенскиот фолклор.

Многу од раните напади со „Вампирските“ беспилотни летала  беа насочени кон неподвижни цели: руските трупи во нивните ноќни засолништа. Но, како што украинските оператори станаа повешти – тренд што требаше да биде поттикнат од формирањето на Силите за беспилотни системи – тие почнаа да напаѓаат и цели во движење.

Сè повеќе експлозивни беспилотни летала  FPV имаат вградена вештачка интелигенција за да им помогне да се насочат кон цели што изгледаат како човек. Но, „вампирските“ дронови не се како дроновите за еднократна употреба FPV. Овој дрон може да чини 500 долари, додека „вампирскиот“ дрон би можел да тежи до 18 килограми и да чини повеќе од 10.000 долари. Наместо да лета кон нивните цели како евтин FPV, „вампирскиот“ дрон ги бомбардира одозгора. Насочувањето со помош на вештачка интелигенција е помалку корисно во овој контекст.Значи, умешноста на операторот сè уште е сè кога таков дрон оди кон подвижна цел. За операторот со беспилотни летала „вампири“, тоа е старомодно бомбардирање: усогласување на брзината и насоката на целта и пресметување на предноста врз основа на висината.

Сигурно е дека многу ноќни бомбардирања со беспилотни летала на подвижни цели промашуваат – а силите на беспилотните летала едноставно одбиваат да објавуваат видеа од неуспешни напади. Сепак, импресивно е што било која ноќна рација е успешна. „Погодувањето на мета во движење е задача со ѕвездичка“, велат во Украина, користејќи го терминот „ѕвезда“ за да значи „специјална“.