Уапсен потенцијалниот вооружен напаѓач на универзитетот “Браун“, пронајдени се чаури

Полицијата на Провиденс приведе „лице од интерес“ во врска со пукањето на Универзитетот Браун, во кое загинаа двајца студенти, а девет други беа повредени, од кои седум критично, во градот Род Ајленд.

Портпаролката на јавната безбедност на Провиденс, Кристи ДосРејс, изјави за Ројтерс дека „лице од интерес“ е приведено по пукањето на универзитетот во градот.

Истрагата е во тек
Повеќе од 400 полицајци беа испратени во саботата да бараат осомничен кој влегол во зграда каде што студентите полагале испити со огнено оружје.

Агенти од ФБИ и Бирото за алкохол, тутун, огнено оружје и експлозиви соработуваат со локалната и државната полиција во истрагата.

Пристапот до делови од кампусот беше ограничен во неделата и полицијата останува на местото на настанот. Службениците објавија видео од осомничениот, за кој се верува дека е маж во 30-тите години облечен во црно.

Уште седум лица се во критична состојба
Заменик-шефот на полицијата на Провиденс, Тимоти О’Хара, изјави во саботата дека можеби носел маска, но не беа сигурни. Истражителите пронашле чаури на местото на настанот, но полицијата не била подготвена да објави детали, рече тој.

Вооружениот напаѓач избегал по пукањето. Претседателката на универзитетот, Кристина Паксон, им изјави на новинарите дека сите или речиси сите жртви биле студенти. „Тоа е ден за кој се надевате дека никогаш нема да се случи, и се случи“, рече таа. Седум од деветте повредени се во критична состојба, според универзитетот.