Тамара како фам фатал во новиот спот „Порок“ (видео)
Tамара Тодевска на Јутјуб каналот на „Урбан Рекордс“ ја промовираше новата песна и видео записот за „Порок“. Музиката е на Лазар Цветковски и Тамара, со текст на Тајзи, аранжман Лазар Цветковски и Тамара, микс и мастеринг Лазар Цветковски.
Спотот го изработиле Били Д и Гордан Божиновски, како модел се појавува Имам Тотиќ, снимен е во студио во Скопје, а за стајлингот на Тамара како фам фатал се погрижи Игор Марков.
Поп-ѕвездата летово најави два спектакуларни солистички концерти под отворено небо, во Охрид и во Хераклеа, со почитување на сите мерки против Ковид-19.
Концертот во Античкиот театар во Охрид е закажан за 27 јули од 22 часот.
Концертот во Античкиот театар Хераклеа е закажан за 1 август од 21.30 часот.
Влезниците за двата концерти се пуштени во продажба.