Светски познатиот руски пијанист Березовски побара „повеќе цврстина“ со Украинците

Меѓународно познатиот руски пијанист Борис Березовски сака да види зголемен притисок врз градот Киев, на кој му се заканува опсада од страна на руските вооружени сили веќе три недели.

„Разбирам дека се сожалуваме на Украинците, дека полека го спроведуваме тоа, но да бидеме поцврсти, да ги опкружиме и да им ја прекинеме струјата“, побара тој  на националниот телевизиски канал „Перви Канал“.

Барањето на музичарот, радикално дури и во контекст на руските медиуми, беше неопријатно дури и за офицер кој беше поканет во шоуто. Тој го прекина Борис Березовски, потсетувајќи на неопходноста да се избегне каква било „хуманитарна катастрофа“ во Украина.

„Важно е да победиме во војната на мислење во Русија, по што целиот свет ќе не разбере“, коментира офицерот.

Предлогот на Борис Березовски предизвика огорченост кај неговите колеги.

„Запрепастен сум од овие изјави на мојот поранешен пријател Борис Б. Но, ги слушам како излегуваат од неговата уста“, се зачуди германскиот пијанист и диригент Ларс Фогт на Твитер. „Ова пријателство е официјално завршено“, изјави музичарот кој моментално го диригира Парискиот камерен оркестар. „Она што го гледам и што го слушам е едноставно неподносливо“, му се доверил и францускиот пијанист Франсоа-Фредерик Ги на „France Musique“.

На почетокот на март, по откажувањето на  неколку меѓународни концерти на младиот руски пијанист Александар Малофеев, шефот на Folle Journée , Рене Мартин повика да не се стигматизираат руските уметници кои немаат посебни врски или го поддржуваат претседателот Владимир Путин. „Затоа, од суштинско значење е да ја продолжиме оваа богата соработка со руските уметници“, изјави тој на 11 март, цитирајќи листа на музичари што започна со  Борис Березовски, 53-годишниот виртуоз пијанист,  попознат по мајсторството на допирот отколку по политичките позиции. Тој досега не зборуваше за руско-украинскиот конфликт.