Студија: Чипсот и сладоледот создаваат зависност како кокаинот

Не можете даоставите вреќичка  чипс? Науката вели дека проблемот не е во вас, туку во нездравата храна. Експертите велат дека ултра-обработената храна, или UPF, создава зависност како никотин, кокаин или хероин.

Новата анализа на 281 студија во 36 различни земји покажа дека неверојатни 14 проценти од возрасните се зависници од ултра-обработена храна. Откритието е шокантно кога знаеме дека ултра-обработената храна, која вклучува колбаси, сладолед, бисквити, безалкохолни пијалоци и зашеќерени житарки, е поврзана со когнитивно опаѓање, рак, психолошки проблеми, па дури и рана смрт.

„Изгледа дека комбинацијата на рафинирани јаглени хидрати и масти кои често се наоѓаат во ултра-обработената храна може да го зголеми потенцијалот за зависност на овие намирници“, напишаа авторите на студијата во нивните наоди објавени во The British Medical Journal.

Еден од авторите на студијата, Крис ван Тулекен, изјави за Гардијан: „Ултра-обработената храна предизвикува зависност за многу луѓе. Кога луѓето стануваат зависни од храна, тоа е речиси секогаш ултра-обработена храна“.

Производите кои создаваат зависност немаат ист ефект кај сите

Зошто е тоа така останува мистерија. Научниците се сомневаат дека само една состојка може да предизвика зависност.

„Јадењето ултра-обработена храна предизвикува скок на допаминот, кој се намалува со текот на времето, што доведува до ненадеен циклус на желба, слично како некој зависник од алкохол или дрога. “, истакна истражувачкиот тим.

Производите кои создаваат зависност немаат ист ефект кај сите.

Речиси 90 проценти од луѓето можат да пробаат алкохол и да не развијат проблематична врска. Така некој ќе изеде грст чипс и ќе се засити, а некој можеби нема да има толку среќа. Повеќето намирници се безбедни во умерени количини.