Столтенберг: Украина ќе стане членка на НАТО

Украинскиот претседател Володимир Зеленски и шефот на НАТО, Јенс Столтенберг денеска одржаа прес-конференција на која Столтенберг уште од самиот почеток потврди дека Украина ќе стане членка на НАТО.

„Се договоривме за пакет од три дела што ја приближува Украина до НАТО. Повеќекратна програма за практична помош, формирање на нов совет што ќе ги поврзе НАТО и Украина, како и потврда дека Украина ќе стане членка на НАТО“, рече Столтенберг. Во врска со членството во НАТО, Столтенберг рече дека алијансата ќе упати покана за НАТО „кога сојузниците ќе се договорат, кога ќе се исполнат условите“.

 

„ Кога војната ќе заврши, мораме да се погрижиме да има веродостојни аранжмани за безбедноста на Украина за да не се повтори историјата“, рече Столтенберг.

 

Зеленски го започна своето обраќање тврдејќи дека во моментов има недостаток на безбедност во Украина.

„Му благодарам на НАТО за трите пакети за поддршка. Разговарав што друго може да се направи за да му се помогне на украинскиот народ. Имаме позитивни вести за новиот пакет одбранбена поддршка што доаѓаат од нашите партнери“, рече украинскиот претседател.

„Би сакал да ви изразам благодарност, Јенс“, рече Зеленски обраќајќи му се на шефот на НАТО.

Запрашан околу безбедносните гаранции што му ги понуди НАТО од самитот, Зеленски посочи дека Украина веќе имала такви гаранции претходно и сепак се соочи со војна од страна на Русија, така што најдобра гаранција за безбедноста гледа во членството во Алијансата. Тој изрази увереност дека по војната Украина сигурно ќе биде дел од НАТО.