„Сони“ со над 50 милиони продадени „Плејстејшн 5“ конзоли

По три години од почетокот на продажбата, компанијата „Сони“ ја надмина бројката од 50 милиони продадени примероци од конзолата за видеоигри „Плејстејшн 5“.

Ова, според познавачи, е импресивен број и рекорд, особено ако се земат предвид проблемите со синџирот на снабдување, коишто ја ограничија испораката по ноември 2020 година. На „ПС-5“ конзолата ѝ требаше само една недела подолго да ја премине „магичната линија“ на „Четворката“ т.е. претходникот што сепак ги немаше тие пречки, предизвикани главно од корона-пандемијата.

„Сони ПС-5“ ги надмина и соперничките конзоли – „Икс-бокс“ сериите „Икс“ и „С“ на „Мајкрософт“, за речиси 3:1 оваа година. Сепак, можно е „Мајкрософт“ да има поинаква цел – поголема сосредоточеност на претплати на „Икс-бокс гејм пас“, коишто им овозможуваат на играчите да стримуваат наслови преку „облакот“ и да играат видеоигри на компјутер.