Со овој фустан американската прва дама јасно покажа што мисли за кандидатурата на Бајден

Џил Бајден излезе на сцената во Рали на митингот по дебатата облечена во темносина свилена креп-фустан од Кристијан Сириано со „Глас“ испишана низ целата креација.

„Д-р Бајден облечена во мојот фустан испраќа јасна порака до сите нас. Гласот за Бајден е глас за човекови и граѓански права“, изјави дизајнерот за Page Six Style. „Како млад американски бренд и дизајнер, она што можеме да го направиме е да и дадеме глас на нашата облека и се надевам дека ова зборува за вас. Сега да одиме на работа!“, додаде тој.

Американската прва дама својот стајлинг го комплетираше со бисерни обетки, ѓердан со привезок, неколку алки и темно сини пумпи со зашилен врв.

Инаку, дизајнерскиот принт со пораката „Vote“, преведена како „Гласајте“, стана омилен во Холивуд последниве години, а слични стилови носеа и Лизо, Џулијан Мур, Џулија Робертс и Сара Хајланд.

Сириано во минатото ја облекуваше Џил Бајден, но и други дами од Белата куќа како поранешната прва дама Мишел Обама и потпретседателката Камала Харис.

„Кога ќе ги облечете тие луѓе, дефинитивно е одлично чувство бидејќи целиот свет ги гледа“, изјави Сириано за Business Insider минатата недела. „Се чувствувате прекрасно затоа што личноста во која сите гледаат избра нешто што ќе го облечете. Тоа е како најголемиот комплимент“, додаде тој.

Инаку, Бајденови отпатуваа во Северна Каролина од Атланта, каде што 81-годишниот претседател дебатираше со поранешниот ПОТУС и актуелен републикански претседателски кандидат Доналд Трамп (78).

И првата дама не бега од стилови што привлекуваат внимание. Така, лани во мај таа беше во розово од глава до пети за време на аудиенција кај сопругата на британскиот премиер Акшата Марти, во пресрет на крунисувањето на кралот Чарлс. А за средбата со Кејт Мидлтон во 2021 година, Џил Бајден избра јакна Barbiecore дизајнирана од L’Agence.