Shkup, 5 minuta breshër, sërish rrugët plot ujë
Reshje të fuqishme shiu, të shoqëruara me breshër, erëra të forta dhe bubullima, zgjatën vetëm pak minuta, por trembën shkupjanët, duke u përkujtuar dëmet e shiut po ashtu të shkurtër të së shtunës.
Rrugët sërish u mbushën me ujë, pasi kanalizimi nuk ishte në gjendje të tërhiqte ujërat që binin nga lart. Era arriti shpejtësinë 65 kilometra në orë, por për fat të mirë nuk kishte drunj të rrëzuar si para 5 ditësh.