Шајнбаум: Шверцувањето фентанил од Мексико во САД се намали за 40 проценти

Шверцувањето фентанил од Мексико во САД е намалено за околу 40 проценти откако американскиот претседател Доналд Трамп ја презеде функцијата во јануари, изјави денеска мексиканската претседателка Клаудија Шајнбаум.

Трамп го наведе шверцот со фентанил како фактор во неговата одлука да воведе царини за Мексико, иако многу пратки мексиканска стока не се засегнати од царините бидејќи влегуваат во САД според трилатерален трговски договор.

Како што претходно објави американската Администрација за борба против дрога (ДЕА), мексиканските криминални организации – меѓу кои и картелот Синалоа – играат клучна улога во производството и испораката на фентанил, метамфетамин и други нелегални дроги во САД.